Hálidivččet go leat veahkkin ovddidit ja hálddašit sámi demokratiija?

Se under for stillingsutlysning på norsk
Sámediggi lea nationála álbmotválljen orgána sápmelaččaide Norggas. Sámediggi bargá politihka ja hálddahusa bokte vai sápmelaččat besset sihkkarastit ja ovdánahttit gielaset, kultuvrraset ja servodateallima. Sámedikki bargin lea dus vejolašvuohta doalvut Sámedikki min višuvnna guvlui Ovttas nannet Sámi.
 
Ráđđeaddi / Seniorráđđeaddi
Virggi birra 
Válggaid ja parlameantahálddašeami juogus ohcá bargi golmma jahkkái. Bargin min luhtte don boađát ovttasbargat dievasčoahkkinjođihangottin ja dus boahta leat guovddáš rolla parlameanttahálddašeamin, válggain ja Sámedikke jienastuslogu barggus.  
 
Mii ohcat du gii veahkehat háhkat buriid rámmaid dievasčoahkkimii, lávdegoddečoahkkimiidda , oktavuođačoahkkimiidda Stuorradikkiin ja ovttasbargui eará álgoálbmotparlameanttaiguin. Don oaččut maid ovddasvástádusa áššemeannudeamis lávdegottiide maid Sámedikki dievasčoahkkin lea nammadan. Min luhtte oaččut máŋggabealat bargobeaivvi mas leat mearkkašahtti barggut ja stuorra servodatlaš mearkkašupmi. Don leat oassin nana fágabirrasis gos leat hárjánan ja gelbbolaš mielbargit geat leat leamaš guovddážis sámedikki hálddahusa ovddideamis.  
 
Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasa ja Ájluovttas Hápmiris.  
 
Muhtin mátkkošteapmi lea vuordimis, earret eará muhtin riikkaidgaskasaš mátkkošteapmi. 
 
Barggut
Dan virggis leat earret eará čuovvovaš barggut: 
Áššemeannudeapmi láhka- ja njuolggadusaid rámmaid siskkobealde maid Sámediggi čuovvu ja lea mearridan, ja siskkobealde mearriduvvon áigemeariid  
Oassálastit guorahallan- ja ovdánahttinbargguide mat gusket dálá láhkaásaheapmái ja njuolggadusaide mas sámediggi doaibmá ja čuovvu 
Doarjjahálddašeapmi politihkalaš dássái 
Leat guovddáš rollas čoahkkimiid ja dilálašvuođaid plánemis ja láhčičmin praktihkalaš doaimmain mat guskket dievasčoahkkinjođihangoddái, lávdegoddiide- ja dievasčoahkkimiidda, ja eará lávdegottiide maid sámediggi dievasčoahkkin lea nammadan (ovdamearkka dihtii sámedikki válgalávdegoddi, bearráigeahččanlávdegoddi ja váiddalávdegoddi) 
Addit rávvagiid sámedikki lávdegottiide mat gusket oktavuođa- ja strategiijačoahkkimiidda eará parlameanttaiguin (earenoamážit eará eamiálbmotparlameanttain) 
Čuovvut, buoridit ja viidáseappot ovddidit rutiinnaid ja bargovugiid juohkosis ja ossodagas 
Oažžut čoahkkima, lávdegotti ja dievasčoahkkinčálli rolla (maiddái čállit beavdegirjji ja praktihkalaš čoahkkima láhčit)  
Leat hálddahuslaš oktavuođaolmmoš lávdegottiide main dus lea ovddasvástádus  
Oassálastit válgabargguide, earret eará bargat jienastusloguin, sihke plánet ja ráhkkanit sámediggeválggaide 
 
Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.
 
Gelbbolašvuohta
Dus fertejit leat:  
Mastergráda dahje vástideaddji oahppu servodatdiehtagiin, politihkalaš diehtagiin, revišuvnnas dahje juridihkas. Unnimusat vihtta jagi relevánta bargohárjáneapmi sáhttá muhtun muddui buhtadit oahppogáibádusa. Eanet dieđuid oaččut go geahččat stáhtabargiidlága 3. paragráfa (gelbbolašvuođaprinsihppa)  
Buorre digitála gelbbolašvuohta (ovdamearkka dihte vásáhus ovttasbargoreaidduiguin nugo Teams ja Microsoft 365)  
Máhttu sámi servodaga birra  
Hui buorre čálalaš ja njálmmálaš ovdanbuktinmáhttu dárogielas  
 
Lea ovdamunni jus dus leat maid:  
Njálmmálaš ja čálalaš gelbbolašvuohta davvisámegielas, ja áinnas maddái eaŋgalasgielas 
Almmolaš hálddašeami máhttu (jus dus ii leat dát, de fertet leat gearggus oahpásmuvvat dainna maŋŋel go leat searvan) 
 
Persovnnalaš iešvuođat: 
Vai lihkostuvvat dán rollas, de lea dehálaš ahte dus leat buorit ovttasbargodáiddut ja ahte liikot ovttasbargat lagas oktavuođas earáiguin olahit oktasaš mihtuid. Seammás barggat strukturerejuvvon ja iešheanalaččat, mas máhtát plánet, vuoruhit ja čuovvolit iežat bargguid doaibmi vuogi mielde.  
 
Don leat fleksibel ja heivehahtti, ja gieđahallat vuorddekeahtes bargguid ja rievdadusaid ráfálaččat ja čoavddusvuloš vuogi mielde. Dasa lassin dus leat buorit analyhtalaš gelbbolašvuođat, ja leat čeahppi oahpásmuvvat, áddet ja geavahit relevánta lágaid ja njuolggadusaid bargguid čoavdimis. Virgi gáibida maid ahte dus lea máhttu váldit initiatiivva, jođihit proseassaid ja dahkat mearrádusaid go lea dárbu.  
 
Gelbbolašvuođa árvvoštaladettiin deattuhuvvo oahppu, bargoduogáš, persovnnalaš heivvolašvuohta ja bargomiella virgái.Geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá. Bargoaddi galgá láhčit dili nu ahte ođđa bargi sáhttá čađahit sámegieloahpu ovdalgo guokte jagi leat vássán virgádeami rájes.
 
Ohcanáigemearri 19.06.2026 
 
Mii fállat
Min luhtte beasat bargat miellagiddevaš bargguid Sámedikki máŋggabealat birrasis.
Šattat oassin doaimmas man leat ovdánahttimin, ja gos lea bargomokta ja buorre bargobiras. Mii leat rámis go min guhkesáiggi mihttomearri lea ahte sámegiella lea min váldogiella, ja mii bargat strategiijaiguin olahan dihte dan mihttomeari guhkit áiggi vuollái. Mis leat ollu bargit geat dárbbašit sihke njálmmálaš ja čálalaš sámegielgelbbolašvuođa ovdal go mii olahit mihttomeari.
Sámediggi čuovvu stáhta láhka- ja šiehtadusdoaimma.
 
Min luhtte oaččutBuriid loatna- ja ealáhatortnegiid Stáhta penšuvdnakássas, gessojuvvo 2% bálkkás Stáhta penšuvdnakássii.Buohkain geat ásset guovlluin gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 20 proseanttain jahkái gitta 60 000 ru rádjai, sii ožžot maiddái sierra vearrogessosa.Nuvttá mánáidgárdesadji Finnmárkkus ja Davvi-Romssas Máškidis bargoáigi ja eará buorit čálgoortnegatVahkkosaččat sáhttá hárjehallat diimmu bargoáiggisGelbbolašvuođaloktema sámegielas ja kulturipmárdusas
 
Máŋggabealatvuohta Sámedikkis
Mii oaivvildit ahte fátmmasteapmi ja máŋggabealatvuohta lea givrodat. Mii háliidit mielbargiid geain lea iešguđetlágan gelbbolašvuohta, fágakombinašuvnnat, eallinvásáhusat ja perspektiivvat vai barggut čovdojuvvojit vel buorebut. 
Sámediggi ávžžuha evttohasaid, geain lea gelbbolašvuohta, ohcat bargui beroškeahttá agis, sohkabealis, nationála dahje čearddalaš duogážis, doaibmavádjitvuođas dahje CV ráiggis.
Sámediggi lea IA-(SB) bargosadji (Searvadeaddji Bargoeallin) ja deattuha bargodilálašvuođaid heiveheami iešguhtege mielbargái.
Bálká- ja bargoeavttut
Virgi bálkáhuvvo Stáhta regulatiivva mielde virgekodas 1434 Ráđđeaddi, 600.000 ru. 800 000 ru. / 1364 Seniorráđđeaddi 680.000 ru - 920.000 ru,  vuolgá ohcci bargohárjáneamis ja gelbbolašvuođas. 
 
Virgáduvvot 1364 Seniorráđđeaddin, gáibiduvvo dábálaččat masterdási oahppu ja guhkit relevánta bargohárjáneapmi. Virgádeapmi dahkko gustovaš lágaid, njuolggadusaid ja šiehtadusaid olis.
 
Virggis lea 6 mánu geahččalanáigi. 
 
Ná ozat virgái min lusa
Orru go virgi miellagiddevaš ja háliidat go ohcat? Jus galggat registrerejuvvot siskkaldas ohccin, de fertet sáddet ohcama DFØ HR bokte. DFØ HR siidduid listtus gávnnat “Karrierer” nammasaš siiddu, gosa buot siskkaldas virgealmmuheamit biddjojuvvet, ja gos don maiddái sáddet ohcama. Mii bivdit du bidjat mielde oahppo- ja bargoduođaštusaid ja ohcanreivve. Mii bivdit du namuhit unnimusat guokte referánssa juogo ohcanreivves dahje CV:s. Jus dus lea oahppu olgoriikkas, de bivdit mii du bidjat mielde dohkkeheami Alit oahpu- ja gelbbolašvuođadirektoráhtas. Don gávnnat eanet dieđuid dan birra dás: Søk godkjenning av høyere utdanning (bachelor, master, ph.d) | HK-dir (hkdir.no). Mii árvvoštallat du ohcama daid dieđuid vuođul maid leat sádden midjiide go ohcanáigemearri lea dievvan. Lea danne dehálaš ahte don čájehat movt du gelbbolašvuohta deavdá gelbbolašvuođagáibádusaid mat leat čilgejuvvon almmuhusas.
 
Ohcciidlistu
Go ohcanáigemearri lea dievvan, de ráhkadit mii almmolaš ohcciidlisttu. Jus it hálit iežat nama oidnot dán listtus, de fertet russet ja čilget dan ohcamušas. Mii váldit oktavuođa duinna jus eat sáhte vuhtiiváldit du sávaldaga čiehkat nama ohcciidlisttus. Ohcciidlisttu beassá geahččat go jearrá.
 
Oktavuohta
Eanet dieđuid virggi birra oaččut go válddát oktavuođa: Juogushoavddain Anne Toril Eriksen Balto tlf. +47 78 47 40 67 anne.toril.eriksen.balto@samediggi.no eller dahje Ossodathoavddain Rávdná Buljo-Gaup tlf. +47 78 47 41 06 - ravdna.buljo-gaup@samediggi.no 
Eanet dieđud Sámedikki birra gávnnat min ruovttusiiddus samediggi.no.
 
Min birra
Sámedikki bargit barget dieđuid vuođul ja lea njunuš institušuvdna Sámis. Min bargiin lea alla gelbbolašvuohta iešguđet fágasurggiin ja áŋgiruššet Sámedikki mandáhttii, višuvdnii ja bargguide. Sámedikki bargin don sáhtát earret eará bargat politihkalaš mearrádusaid čuovvulemiiguin, joatkevaš buoridemiiguin ja hálddašan- ja áššemeannudanbargguiguin.
Sámedikki hálddahusa jođiha direktevra, dat lea juhkkojuvvon fágaossodagaide ja juhkosiidda, ja das leat sullii 150 jahkebarggu. Sámedikkis leat gáiddus bargosajit, gos bargit barget ossodagaid ja juhkosiid rastá. Parlameantavisti lea Kárášjogas, ja eará kántursajit leat Vuonnabađas Unjárggas, Guovdageainnus, Olmmáivákkis Gáivuonas, Romssas, Skániin Dielddanuoris, Ájluovttas Hábmeris, Aarbortes ja Snåases. Bargit sáhttet guossin bargat eará kántorsajiin. Dat ábuha dasa ahte bargit oahpásmuvvet Sámi iešguđet guovlluide, ja huksejit oktavuođaid ja bargobirrasa ossodagaid, juhkosiid ja kántorsajiid rastá.
 
Sámedikki višuvdna: Ovttas nannet Sámi
"Ovttas nannet Sámi" lea Sámedikki višuvdna bargiide bargguide. Sámedikki deháleamos bargu lea Sámedikki politihka ja hálddašeami bokte seailluhit sámi giela, kultuvrra ja servodateallima. Sámedikki višuvnnas leat vihtta vuođđoárvvu; sámi vuoigŋa, rabasvuohta, ovttasráđálašvuohta, searvadeapmi, luohtehahttivuohta ja oskkáldasv

This listing is from nav. View original listing ↗