Undervisningsstilling Elektrofag - 2. gangs utlysing

Førde vidaregåande skule har om lag 1100 elevar og 240 tilsette, og er den største vidaregåande skulen i Vestland Nord. Vi har fokus på profesjonsutvikling og skuleutvikling. Skulen har topp moderne spesialrom, i tillegg til ny idrettshall og eit levande bibliotek, og har som mål å levere opplæring av høg kvalitet. Skulen er geografisk tredelt, med skuledrift på Mo, i Høyanger og i Førde sentrum. Vi tilbyr utdanningsprogramma Bygg- og anleggsteknikk, Elektro- og datateknologi, Helse- og oppvekstfag, Kunst, design og arkitektur, Media og kommunikasjon, Naturbruk, Restaurant- og matfag, Sal, service og reiseliv, Studiespesialisering, og Teknologi- og industrifag. I tillegg har vi ansvar for undervisning ved sjukehuset, vaksenopplæring og ulike kurs. For meir informasjon gå til skulen si heimeside http://www.forde.vgs.no 

Vi har ledig 100% vikariat innan Elektro- og datateknologi, med oppstart 1.august. 

ArbeidsoppgåverUndervising og oppfølging av elevar.

• 100 % midlertidig stilling med undervisning i programområde Elektro- og datateknologi 


• Stillinga vil i hovudsak innebere undervisning på Vg1og Vg2-nivå i programområde Elektro- og datateknologi 

Det kan bli aktuelt med kontaktlærarfunksjon i tillegg til undervisning
Du samarbeider med kollegaer og leiing i profesjonsfellesskapet og med opplæringskontor og næringsliv om formidling av læreplass til elevane. 
Du held deg orientert om utviklinga i bransjen og i fag- og yrkesopplæringa.

Kvalifikasjonar- Høgare utdanning innan elektrofag (fagskuleutdanning eller bachelor)

• Fagbrev innan elektrofag


• Det er ein fordel med praktisk erfaring og utdanning innan fleire felt i elektrofaga


• Gode tekniske og faglege ferdigheiter


• Erfaring i bruk av IKT og varierte digitale undervisningsmetodar


• Kunne beherske norsk skriftleg og munnleg


• Det er ein fordel med undervisningserfaring

I vidaregåande opplæring er det krav om å ha fullført Praktisk Pedagogisk Utdanning (PPU-Y) eller Yrkesfaglærarutdanning. Søkjarar som ikkje oppfyller krava kan tilsetjast på vilkår. Det vil verte gode moglegheiter til å fullføre dette etter at ein vert tilsett i stillinga.
Jf. Forskrift til opplæringslova § 12-8 må den som skal tilsettast oppfylle eitt av desse krava:

a) Du har yrkesfaglærarutdanning. Du som har slik utdanning, kan tilsettast for å undervise i fag der du har minst 60 studiepoeng relevant utdanning.

b) Du har universitets- eller høgskoleutdanning som samla utgjer minst 180 studiepoeng, inklusive pedagogisk utdanning etter § 12-1. Du som har slik utdanning, kan tilsettast for å undervise i fag der du har minst 60 studiepoeng relevant utdanning.

c) Du har faglærarutdanning. Du som har slik utdanning, kan tilsettast for å undervise i fag der du har minst 60 studiepoeng relevant utdanning.

d) Du har fag- eller sveinebrev eller bestått anna yrkesfagleg vidaregåande opplæring. I tillegg må du ha to års yrkesteoretisk utdanning utover vidaregåande skolenivå og fire års yrkespraksis etter fullført vidaregåande opplæring. Slik bakgrunn kvalifiserer for tilsetting i fag som utdanninga eller bakgrunnen er relevant for. Det krevst også pedagogisk utdanning i samsvar med § 12-1.

e) Du har lærarutdanning med spesialpedagogisk utdanning tilsvarande minst 60 studiepoeng. Du som har slik utdanning, kan tilsettast for å gi individuelt tilrettelagd opplæring eller dersom det er ønskjeleg ut frå behova til elevane.

Dei som ved opptak til praktisk-pedagogisk utdanning for yrkesfag har fått godkjent kravet om to års relevant yrkesteoretisk utdanning på grunnlag av realkompetanse, oppfyller kravet om to års yrkesteoretisk utdanning utover vidaregåande skolenivå i første ledd bokstav d.

Dersom du manglar delar av utdanningskravet blir start- og sluttidspunkt av utdanninga avtalt med leiar.

Personlege eigenskapar- Du er inkluderande og oppteken av verdien av mangfald.

• Du har god pedagogisk forståing.


• Du er engasjert og positiv og legg til rett for variert undervisning.


• Du tek initiativ til samarbeid og er ein aktiv deltakar i profesjonsfellesskapet, men er òg sjølvstendig i eige arbeid.


• Du trivst i eit hektisk arbeidsfellesskap med elevar, miljøarbeidarar, lærarar og andre hjelpeinstansar i laget rundt eleven.

Det vert lagt stor vekt på personlege eigenskapar ved tilsetting.
Du som skal tilsettast i vidaregåande skule må leggje fram godkjent politiattest.
Vi tilbyrEit aktivt og stimulerande fagmiljø.Gode høve til eiga læring og utvikling. Løn og lønsutvikling i tråd med tariffavtalen og Vestland fylkeskommune sin lønspolitikk.
Gode forsikrings- og pensjonsordningar.Spørsmål om stillinga kan rettast til avdelingsleiar Reidun Kristiansen, tlf 91694011, e-post: reidun.kristiansen@vlfk.no
Søknad med fullstendig CV skal sendast elektronisk via lenkje på www.vlfk.no sine nettsider under ledige stillingar. Vitnemål og attestar skal leggjast fram ved eventuelt intervju. Det vert teke atterhald om at overtallige ved andre skular kan ha rett til utlyst stiling. 

KontaktinformasjonReidun Kristiansen, avdelingsleiar, +47 91694011

ArbeidsstadNaustdalsvegen 12

6800 Førde

Nøkkelinformasjon:Arbeidsgivar: Vestland fylkeskommune

Referansenr.: 5137305413

Stillingsprosent: 100%

Vikar

Startdato: 01.08.2026

Sluttdato: 31.07.2027

Søknadsfrist: 07.06.2026

This listing is from nav. View original listing ↗