Avdelingsleiarar i heimesjukepleien

Heimesjukepleien i Sogndal kommune skal styrke drifta og lyser no ut 2 stillingar som avdelingsleiar.  

Som avdelingsleiar får du ei sentral rolle i den nye driftsriggen for heimesjukepleien.   

Heimesjukepleien har stor breidde i oppgåvene og i brukargruppa. Me leverer helsehjelp og oppfølging til innbyggjarar som treng tenester i eigen heim, og arbeider for at flest mogleg skal kunne bu trygt heime så lenge som mogleg. Arbeidskvardagen er variert, og du må trivast med både folk, fag, drift og dei avklaringane som må takast undervegs.  

Om rolla 
Som avdelingsleiar har du personalansvar og eit viktig ansvar for at avdelinga fungerer godt i det daglege. Du skal vere tett på medarbeidarane, bidra til god struktur og vere med og byggje ei teneste der folk kjenner ansvar, meistring og retning. 

Du må like å leie andre og vere oppteken av å få fram det beste i dei du har rundt deg. Samstundes må du tole å stå i avgjerder, handtere krevjande situasjonar og samarbeide godt på tvers for å finne løysingar som fungerer for både tilsette og innbyggjarar.  

Arbeidsoppgåver 
Som avdelingsleiar vil du mellom anna ha ansvar for: 

Personalansvar og oppfølging av medarbeidarar 

Turnusarbeid og bemanningsplanlegging 

Å bistå gruppeansvarleg i vanskelege saker 

Samhandling med tenesteleiar, fagansvarleg sjukepleiar, driftskoordinatorar og andre samarbeidspartar 

Andre oppgåver kan kome til som del av den samla drifta i heimesjukepleien. 

Kvalifikasjonar 
Me ser etter deg som har: 

Relevant leiarutdanning eller dokumentert leiarerfaring frå helse- og omsorgssektoren 

Erfaring frå endringsarbeid 

Erfaring med personaloppfølging, økonomistyring og ressursplanlegging 

God munnleg og skriftleg framstillingsevne på norsk 

Førarkort 

Det er ynskjeleg med erfaring frå helse og omsorg, eller helsefagleg utdanning.  

Personlege eigenskapar 
For å trivast i rolla bør du vere trygg i møte med folk og tydeleg i måten du leier på. Du må kunne lytte, prioritere og ta avgjerder når det trengst.  

Personlege eigenskapar vil bli sterkt vektlagde.  

Me tilbyr 
Hos oss får du ei leiarrolle tett på både folk og drift. Du blir med på å utvikle heimesjukepleien vidare, i ei tid der gode strukturar, god samhandling og rett bruk av kompetanse blir stadig viktigare.  

Du får: 

Ei viktig leiarrolle i heimesjukepleien 

Eit fagmiljø med brei kompetanse 

Gode pensjons- og forsikringsordningar 

Gode velferdsordningar 

Løn etter avtale 

Litt om oss 
Sogndal kommune har om lag 12 000 innbyggjarar og rundt 1300 medarbeidarar. Me er regionsenteret i Sogn, og vertskommune for over 3000 studentar gjennom studieåret.  

Kvar dag leverer me tenester til innbyggjarar i ulike livsfasar. Me ønskjer å vere ein kunnskapsbasert og framtidsretta kommune, og treng medarbeidarar som vil vere med og utvikle gode tenester vidare.  

Me ønskjer eit arbeidsmiljø prega av mangfald, og at tilsette skal spegle folkesetnaden elles. Me oppmodar alle som er kvalifiserte til å søkje jobb hos oss, uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.  

Administrasjonsmålet i kommunen er nynorsk. Alle nytilsetjingar blir gjorde med ei prøvetid på 6 månader. 

I følgje offentleglova § 25, 2. ledd kan opplysningar om søkjaren bli offentleggjorde, sjølv om du har oppmoda om ikkje å bli ført på offentleg søkjarliste.   

Dersom du har bedt om unntak frå offentleg søkjarliste, vil du alltid bli varsla før søkjarlista blir offentleggjord.  

Søknad må leverast innan fristen og sendast inn via rekrutteringssystemet vårt. 

Link til søknadsskjema: Søk her

This listing is from nav. View original listing ↗